長和系主席李嘉誠投資嘅醫療技術，近排都出咗唔少成果。繼佢之前投資咗2,500萬美元入股、喺納斯達克掛牌嘅ChromaDex集團，生產抗衰老健康產品引入香港屈臣氏獨家發售後，佢私人投資嘅維港投資所支持的以色列醫學科技公司MeMed，日前亦宣布，其創新嘅血液測試技術ImmunoXpert™，獲證實能夠喺兒童身上精準地區分是病毒還是細菌感染，研究結果亦刊登喺美國兒科學會官方刊物《兒科學》當中。
呢項研究能夠取得成果，MeMed共同創辦人兼首席技術官Kfir Oved話，喺美國國防部的支持下而取得進展，能夠隨時隨地區分病毒和細菌感染，測試快及操作簡易，就可以及時識別感染源，對症下藥，有助防止濫用抗生素。