昨日香港國際貨櫃碼頭董事總經理嚴磊輝(Gerry，圓圖)與傳媒老總飯局，席間談到最近講得熱烘烘的碼頭上蓋起樓問題，Gerry首先話大局為重，如果不太嚴重影響碼頭運作，公司願意配合政府及香港市民的住屋需求。不過座上編輯都好想了解，究竟於碼頭上蓋加建住宅，話晒下面上落緊貨櫃，上面同時起樓，會唔會嚴重影響運作呢？佢就話點都會有少少影響，但唔會好嚴重，有信心可以解決得到，其實幾十年前地產部已經在貨櫃碼頭上蓋起了貨運中心，當時沒有影響運作，相信今時今日亦應該不會有太大影響。咁索性搬碼頭可行嗎？Gerry就話其實搬遷貨櫃碼頭的影響會大於貨櫃碼頭上蓋起樓。