今天又在產品發布活動跟行家見面，於是一起寒暄一番。P先生跟我和飛女一樣身份眾多，既是寫手也做公關推廣工作。談話中，大家都不約而同說世界難撈，酬勞縮水已成定局，搞活動的規模也變得小，沒有從前般可以大撒金錢搞得有聲有色，有飲有食。「係啦，淨係得啲大品牌肯花吓錢，其他中小型客慳得就得，直係無得做，但佢哋又要求多多，好想多啲媒體嚟報道，猛咁捽我數……」
因為P先生都算係後輩，做過一段時間公關公司的飛女就語重心長說：「你同個客戶講：『你要畀折扣你冇問題，但謹記對付媒體嘅規格唔好縮得太緊要！』」很多客戶以為請記者食飯會好吸引，實情是現在記者工作是一人頂二三個HEAD COUNT已經分身乏術，一餐半餐又豈能令他們跟老闆抗爭？反而如果紀念品或者抽獎獎品吸引，在雞髀打人牙骹軟的情況下，就比較容易高朋滿座。「就好似航空公司搞活動，咪送機票囉，反正班機點都要開，送三幾張出去抽獎，大家開心，自己又唔使乜成本，何樂而不為？」所以縮甚麼都好，這方面不可以太慳。