醫生永遠係技安
權力令人腐化，相信這就和「太陽從東邊升起」一般，是永恆不變的鐵定律。1960年代，Yale University的心理學家米爾格倫，做了Milgram Experiment，又稱權力服從研究(Obedience to Authority Study)就測試當權威人士向參加的人士下達違背良心、傷害他人的命令時，參加者會選擇抵受壓力，還是服從權威？結論是：人類總是服從權威。這解釋了很多事情，包括在戰爭中，戰士會聽取上司命令去殺人。
實驗是研究盲目追隨權威的人性。而我這十多年來，間中就陪父母去醫院診所覆覆診看看病，觀察到的反而是，醫生永遠是權威，而權威又令他們腐化。以我性格，也不止幾次跟不同醫生起過小爭執。
在我眼中，醫療也是服務業的一種，但這也是最有階級的服務業，假若醫生是人，那病人就是狗，我們來看病求醫就像小狗乞吃一樣。有一次媽媽入了醫院，醫生第一日交代了病情後，說自己每日大約11點巡房後就會來，於是我每日10點半到達等醫生出現，但接著的十幾日，他沒有一天早過1點到來，我忍不住問他：「其實你原來每日唔會早過1點出現，咁點解唔約大家1點後呢？」他態度很差回應：「我好多症要睇，都要巡完房先嚟到。」他沒正面回應我，而他的想法很簡單：「你早咗冇所謂吖，你等我，唔好要我等你。」後來我試過有一天等得太久，決定先行，留口訊給護士轉告醫生「請佢來到時打電話俾我」，那個醫生照樣不理。我隔天再跟護士說「如果佢繼續係咁，我就轉醫生」，然後他那個下午就打電話給我報告母親病情了。
在我眼中，「服務業」並非代表客人永遠是對的，服務別人的低人一等。大家都是平等的，但請互相尊重，而且保持對等的禮貌。病人準時到達(更多時候是「請早點到」)，為何醫生卻永遠要病人等候？醫生的時間就係時間，病人的時間就係可以浪費的。醫生好忙㗎，而病人就唔可以忙嘅？
「唔想睇咪唔好睇囉，大把人排住隊睇呀。」這種口吻，不禁令我想起，范太話，如不滿意可離開香港。真是神氣。病人已經有病，仲要受氣，受完氣仲要乖乖課金，人間冇叮噹，我們一世都係大雄。