三星S8系列賣得熾熱，Note8也上市在即，粉絲引頸以待，一洗上一代手機被召回頹風。一向唔執輸嘅Ray，昨日去參加咗三星舉辦的傳媒工作坊，一部手機可以錄音及影相就係人都知，但有手機專家話俾Ray知，S8一個新功能，更啱分秒必爭的傳媒行家，就係將錄音即時變成文字。
S8首推雙錄音功能，平時兩人打對面坐，要用手機錄音，經常要將個電話轉來轉去先收到兩邊音。但新手機頂和底的咪可各自收音，句句鏗鏘，不單止咁，仲可以將錄音即時變文字，每次最長可錄音5分鐘，即時轉化成為文字，Ray即場試過，認字率和速度相當高，對於經常要聽錄音打字的人，簡直係救星。
三星產品專家 Davy(圓圖) 仲介紹多一個秘技，S8內的「安全資料夾」功能，原來唔單只幫手收埋重要資料，資料夾內仲可另開微信及WhatsApp呢類社交app，即係可同時開兩個戶口，安全夾內的戶口收到訊息都無人知。Davy教路，鍾意公司嘢同私人嘢分開處理嘅用家就至啱使，不過女朋友鍾唔鍾意呢個功能呢就另計。