旅發局於8月4至6日舉行的「香港電競音樂節」，電競迷引頸以待的「英雄聯盟王者回歸世界邀請賽」，北美隊的陣容已經落實，全部屬於冠軍級人馬，包括HotshotGG、Chaox、TheOddOne、Chauster及LiNk，對於佢哋嘅名字，電競迷絕不陌生，但對於Ray嚟講，就係時候要咪書認識呢班高手嘞！
依家整定個懶人包先：HotshotGG係World Cyber Games 2010的世界冠軍及IEM Season VI科隆站冠軍，更於後者奪得最有價值選手獎項；Chaox亦奪得不少賽事的冠軍，包括S2 NA Regional Finals及IGN ProLeague等，至於TheOddOne更曾奪得北美職業聯賽冠軍、IGN ProLeague冠軍等榮譽。
呢場雲集全球四大戰區，包括歐洲、中國內地、台港澳、北美嘅賽事，合共20位《英雄聯盟》職業聯賽戰隊前成員參與，仲要有咁多名曾奪世界總決賽冠軍選手，連Ray呢類非常業餘打機手都好期待。
留意比賽賽程，四強賽事將於8月4日進行，首場上午10時，歐洲隊挑戰台港澳隊，下午6時就係中國內地隊對北美隊，總決賽就喺8月6日下午6時舉行。想參與嘅就梗係要買飛，於本月26日(下周一)上午10時開始，透過快達票網 www.hkticketing.com.hk 公開發售，票價分3種：480元、280元及150元。
