人稱「魚蛋皇后」的前港姐譚小環，最近被發現踩入去立法會總部，攞住一疊文件，身邊仲有兩位朋友陪同，直上立法會議員鄺俊宇的辦公室。咩事？實情原來係譚小環化身成為大使，為肺癌病人發聲，為佢哋爭取資源用免疫治療醫治肺癌，呢件事得到鄺俊宇及關愛基金委員張國柱的支持。
譚小環老公Eric蔡強榮在銅鑼灣開魚蛋店，Ray都有去幫襯過。生意興隆，但Eric發現患了肺癌，慶幸係好早期，好快已康復。不過小環從此睇好多關於肺癌的醫治訊息，佢發現咗原來政府部門對癌症醫治的支援仍然有好多不足，例如醫治肺癌的免疫治療，就更加係完全沒有資助，於是小環接受了香港藥學服務基金嘅邀請，要為肺癌病人發聲，仲拍咗一條短片紀錄佢爭取唔同界別人士支持嘅過程。