新一年第一次同大家見面，先祝各位豬年大吉，工作順利，升職加薪，並且遠離小人。
新年的時候，有人祝賀我可以「齋坐喺度唔做有錢收」。我當然回應一句：「承你貴言啦！」但我想了想，齋坐就有錢收，是否真係咁開心？除非你阿爸是公司大老闆，否則一份工作量少而人工又高的工作，恐怕都是與你無緣。但即使真的有如此一份「荀工」，也大概不是想象中般過癮。
冇人會喜歡過量的工作，但一份在辦公室「冇嘢做」的工作，其實可能更加難受。「冇嘢做」代表你要「扮有嘢做」，偶然扮一扮工當然冇問題，但要你日日由朝坐在座位前扮做嘢，實在是比死更難受。開著眼前的電腦，出盡奶力去扮演「全神貫注」望住個facebook，在幾個重覆的post之間碌完又碌……還要一扮就8個鐘，那的確不是件容易的事。
扮工的人當然知道自己在扮工，絕大部分就連他們的老細也知道同事其實冇嘢做。「齋坐冇嘢做」的背後，可以是生意不景，但更多的情況是因為企業的架構組織不當。前者是無可奈何，只能等運到；但若果是後者的話，解決方法其實有許多，然而情況不斷如此拖著，絕大部分只因為管理層的懶惰，得過且過的心態底下而讓問題視而不見。
當然，祝你「齋坐唔做有錢收」只是戲言，絕大部分打工仔其實都希望自己對公司有貢獻的。「齋坐」的另一個困擾，在於那種不安的感覺。你明白這樣齋坐其實是浪費公司資源。縱使你精於扮工之道，但你心裡明白，齋坐的日子不可能長久，更不可能安穩。人們羨慕你齋坐，以為好輕鬆好幸福，但當事人其實周身唔自在，稍有危機意識的人都會如坐針氈，日子其實並不好過。
至於那些有點抱負的打工仔，恐怕就更忍受不住齋坐了。對他們來說，「齋坐唔做收錢」簡直是咀咒，齋坐讓他們覺得自己在浪費生命，磨滅心志；至於那些責任心強的人呢？齋坐讓他們覺得對不起公司，收人工讓他們覺得慚愧內疚；他們齋坐的日子不會很久，因為他們根本不能忍受這種感覺，有得選擇的話，他們必定會起身走人。
所以呢，下年新年，都是不要祝人「齋坐唔做有錢收」了。這句話，似詛咒多過祝賀。然而一間公司為甚麼會長久地出現一些「逼人扮工」的齋坐位？那些做管理的，理應要好好反省一下吧。