手遊公司嚟講，提起111%呢間公司大家未必記得，但如果話《BBTAN》呢隻game，你分分鐘都有玩過。111%嘅手遊設計都係走簡而精，除咗玩法外美術亦好有風格，由《BBTAN》大熱後佢地仲一直keep住以「字母」推出《CCTAN》、《DDTAN》……一直去到《JJTAN》後先暫時停止咗，同一堆素材同概念可以玩到咁多集已經好唔簡單。以呢種思維去設計嘅《Random Dice: PvP Defense》，就係呢排俾唔少本地玩家大推嘅遊戲。遊戲方法依然簡單，以佢地拿手嘅塔防同點數結合，再加入PvP玩法，玩家最多可以帶5種唔同嘅骰仔出戰，但係唔可以控制到個塔嘅擺位同選擇出咩塔，換句說話「隨機(Random)」都變成遊戲一部分。
唔好以為簡單幾句就介紹完嘅手遊好玩極有限，事實係遊戲依然簡而精，雖然一盤幾分鐘，但可以輕鬆磨你大半日，如果你同土下座一樣日日在家工作，悶悶地又唔想玩啲太複雜嘅遊戲，呢隻可以一試。