張樹槐
Ray剛剛有兩批朋友出發去美國芝加哥，參與世界六大馬拉松之一的芝馬，呢個禮拜日就跑啦。香港雖然地方細細，但力量唔可以睇小。另一邊廂，恒生銀行傳訊及可持續發展總監 張樹槐(Walter)，就正積極準備11月5日再次參加同樣係世界六大馬之一的紐馬(紐約馬拉松)，係水哥人生第65次馬拉松。
話說紐馬屬全球規模最大的馬拉松賽事，沿途圍觀途者達100萬之多，賽道旁演奏樂隊伍超過130隊，是紐約市一年一度的嘉年華式盛事。去年完賽人數達51,394人，相比12年前Walter首次參加紐馬時，該賽事的完賽跑手只有36,872人，至今增幅接近四成。回想起2005年，大中華區只有少於100人參賽，但至2017年人數已增至700人之多，可見大中華區到海外跑馬拉松的風氣已漸見盛行。至於當中有幾多香港人？原來今年有接近200香港人，比上年多超過100人，12年來增幅七倍，2005年時只有約30人。
Walter今次更獲邀在賽前兩日(11月3日)參加紐約馬拉松開幕禮並擔任代表(delegate)，與來自全球的代表一同參與巡遊及盛大的慶祝活動，在熱鬧的開幕禮及嘉年華之後，更有烟火表演。Walter仲提醒Ray，50年前勇闖只限男跑手參加的波士頓馬拉松的70歲女跑手
Kathrine Switzer，亦會同場參賽，Ray真係好有興趣睇下呢位巾幗英雄的最新跑姿。
Kathrine Switzer