7-Eleven繼續有驚喜，今次係配合農曆新年，同Sanrio合作，送上10位Sanrio人氣角色的可愛花形陶瓷碗，製造一個花花世界，迎接新春，祝願大家花開富貴。10款Sanrio角色花形陶瓷碗包括：My Melody、Minna No Tabo（大口仔）、Hello Kitty、Cinnamoroll（玉桂狗）、Pom Pom Purin（布甸狗）、Ahiru No Pekkle（AP鴨）、Kero Kero Keroppi、Pochacco（PC狗）、Little Twin Stars、Kuromi。再加1款粉色花形立體托盤，做全盒都好有型。每款Sanrio花形陶瓷碗直徑約12厘米，如果從上方角度看碗面，會看到角色微微抬起頭來，情深款款，眼神充滿希望，十分療癒。
唔止咁，花形陶瓷碗系列仲分為淺色系及深色系，每個色系各5款，一於五花十色，令你目不暇給。碗底更印上各位人氣角色姓名及所屬之花形名稱，增添代表性及紀念價值，粉絲馬上行動不要等！
換領/換購詳情：
由今日早上7時起至2019年2月19日，於7-Eleven分店購物滿20元即可享印花1個，其後每10元可獲多1個印花，餘此類推。儲齊22個印花，可免費隨機換領；或儲齊5個印花加22元，隨機換購「Sanrio花形陶瓷碗」1款。