情人節要製造浪漫，以物傳情，有時都好考心思。不過今期7-Eleven就為你準備咗一個情人節限定的窩心小禮物，仲可以自己製作專屬你的個人心意，要贏取歡心，請大家切密錯過。
呢個以Hello Kitty同Dear Daniel組成的公仔套裝，圓碌碌造型本身已超可愛，Hello Kitty係淺粉紅色的少女打扮，而Dear Daniel則是浪漫瀟灑的粉藍色，成雙成對，猶如糖黐豆般，甜甜蜜蜜。Hello Kitty手上信封內有心意卡一張，Dear Daniel則有錄音功能，可錄製約15秒的甜言蜜語，即係話，以手寫文字，又或真人發聲，全方位表達愛意都得，如果配搭埋鮮花，簡直甜入心頭。無論係由未表白，到剛開始蜜運，到相處多年的戀人都可以藉此帶來專屬小驚喜。係就行動去吧！
