母親節由am730主辦的「母親節溫馨晚宴」昨晚於銅鑼灣皇室一號順利舉行，筵開41席，場面壯觀，席間不時傳來歡笑聲，又係嘅，自己一家人食飯慶祝，固然開心，但有機會同咁大班人一齊食好嘢，睇表演，氣氛係寧舍熱鬧，長者同媽打最開心。最緊要係每人都有一個總值3500元禮品包外，枱獎人人有，仲有超過120份禮物做大抽獎。全場禮品總值200萬！
表演嘉賓之中，最多人搶住影相嘅，梗係黃建東啦，佢舊年將PPAP改做笑爆咀廣東話版，做咗網絡紅人，昨晚佢都好high，除咗首《芝麻GUN》外，仲有首《皆大歡喜》母親節版，唱到現場起鬨，影相影到唔俾佢走。司儀彭晴都好忙！
Ray知道am730市場部同事呢排忙到開巷，就係為咗呢個event，問阿頭曾小姐下年仲搞唔搞，佢話咁受讀者歡迎，仲要諗下明年點搞大D，唔使大家撲飛撲得咁辛苦咁話。
