現今網上資訊及娛樂近乎泛濫，傳媒機構亦不斷推陳出新，am730去年推出網上短片平台amV，出品效果絕不失禮，而且更不時掀起社會話題，Ray當然是固定捧場客。
近日，睇am730個FB fan page，在一段短片當中，見到香港作家兼電視/電台節目主持人王貽興。這位最年輕香港中文文學雙年獎得主，最近開始為am730寫專欄，在短片中出現，本來不足為奇，然而，他在片中並非一本正經談寫作或當主持，而是表情多多古靈精怪不停大叫「阿媽」，究竟發生咩事？莫非有特別搞作？ Ray向盧社長八卦一番，得出答案原來係：迷你劇場。
話說這個迷你劇場名叫《論盡我阿媽》，由王貽興負責創作劇本及主演，am730一班手足製作兼參演，故事主題當然就是圍繞媽媽出發，講下普天下母親大人的習慣、性格、煩事和趣事，屬於是他也是你和我的經歷，Ray睇過些少footage，的確幾有共鳴。
《論》劇第一回明日就會上架，以後隔周五上載，在am730網站、手機應用程式app、FB fan page，以及王貽興的FB fan page都可以睇到。嗱，先攞幾張《論》劇製作花絮照片，同大家先睹為快。
