依家商場舉辦暑期活動愈來愈多姿多采，海港城最近就請嚟日本當代藝術家大卷伸嗣，舉行首場香港個人藝術展，喺街頭吹出千萬個泡泡，啱晒大人同細路。
咪以為吹泡泡好簡單，除了部機每分鐘發放1萬個泡泡，吹出嚟嘅泡泡仲要對人體無害，都係由大卷伸嗣細心研發而成嘅。2008年，他便創出名為「Memorial Rebirth」的裝置藝術表演，曾先後於日本20多個城市、台灣及澳洲演出，到2010年亦為第一屆「瀨戶內海藝術節」作開幕表演。此外，連國際時裝品牌LV及Hermès都邀請展出。
今次大卷伸嗣將代表作帶到香港，由昨日開始至本月20日，逢周五至周日，喺海港城海運大廈露天廣場展出共20場。期間，一座3米高、共6層嘅泡泡金字塔，亦會放置於廣場中央，45部泡泡機於不同方向與高度，在維港美景下，每場發放約1千萬個泡泡，場面真係好壯觀！
活動除了擁抱泡泡外，仲有其他，包括慈善義賣泡泡樽(20元/2樽)及泡泡棒(每個40元)，捐款人士可於義賣開放期間帶回泡泡樽或棒，重新注入泡泡水繼續玩之外，收入將撥捐「思覺基金」。
