又到籌劃聖誕節目時候，行街睇燈飾打卡幾乎係指定動作。一直推動藝術與商業結合的K11，今年就特別安排卡必拍靚景打卡位，俾各情侶同親子人士，仲推介當中8個必拍靚位，適合大家拍完相片再上載到社交平台開心些牙，為佳節增添藝術氣氛。
查實今年K11與著名法國當代藝術家Nicolas Buffe創作及本地藝術組合Stickyline合力製作了一個《THE UNIVERSE IN ME: A CHRISTMAS VOYAGE》聖誕藝術展覽，以展現童心及星宿傳奇為主題。其中首個推介的必拍靚位就係位於K11中庭(G/F)的《火箭燈籠》，正正係今次展覽的核心，高達15呎，主體結構由日本椴木向落葉松木製成，由日本匠人在東京以傳統入榫工藝組合而成，頗具特攝雕塑技術和傳統日式燈籠的特色，Ray覺得視覺效果非常煞食。至於另一個位於K11露天廣場的巨型立體紙藝裝置《宇宙日常》，亦係好好影的必拍位，由本地藝術家組成的Stickyline創作。
今次《火箭燈籠》部分的展期去到2018年元旦日，而其他展品則去到1月中。