最強4K遊戲主機Xbox One X已經喺11月7日推出，Xbox仲響旺角百老匯搞咗個event，又請張曦雯做嘉賓，又叫晒成班fans排隊等第一時間拎機，場面好似好壯大。不過，Xbox嘅嘢點會咁順利呀，唔少傳媒事後都話呢個「首賣活動」搞得唔好，首先係安排不周，旺角間百老匯亦唔夠大，根本容納唔到咁多傳媒同fans，最慘係唔知點解Xbox做咗咁多年活動，都仍然將副刊記者同娛樂記者撈埋一齊，你話地方大都算，已經細到要企出西洋菜街，兩邊記者做嘢又唔同，加埋現場龍友多過記者，唔躁有鬼啦！但土下座最出奇係，要第一時間搶買Xbox One X嘅朋友，唔係土豪都係VIP粉絲，而佢哋竟然要啲VIP企響西洋菜街排隊俾其他人當猩猩咁影，真係唔知咩玩法囉！