愈來愈多廠商睇到手機平台係藍海，但早響10年前，手機廠商名牌子之一嘅Gameloft已經睇到呢條路，07年已經逾1億美元(約7.8億港元)年收入，當時嚟講係非常厲害，而唔講唔知，Gameloft其實係Ubisoft子公司，直到後來先被另一法國公司Vivendi敵意收購，所以間接講，Ubisoft好早已經見到手機平台力量。近期佢地又將《刺客教條》呢個title放響手機平台，並叫《刺客教條：起義》，但唔同既係，今次並非之前嘅手機版刺客咁，而係真真正正課金game，要收集碎片開啟新角，又有每日成就及月費包等，甚至仲同曾開發《Fallout Shelter》嘅Behaviour Interactive聯手製作，算係幾有野心嘅遊戲。土下座玩咗兩日，簡評就係毒性唔高，遊戲幾講你角色配搭，要用腦玩嘅！唔使錢大家又不妨試下啦！