唔好玩就即刻閃
由2015年梁振英年代國家公布大灣區計劃至今，勁多大灣區買樓團，惠州中山珠海多不勝數。講到咁鬼好投資，對研究外地樓市極有興趣的我都好想了解。當時找內地朋友幫忙，每一個城市派一個地區經理給我，用了3個月時間行勻9個城市，得出結論已於分享會跟大家說了。
2019年11月，因當時要開分享會，在深圳買了一個單位當測試，買入價是508萬923呎，跟住就發生疫情，形變勢變下刪數百字。高峯期聽聞升過上900萬，但有三年限售，關我鬼事。開關時又忙著移居，成件事放低了。直到早兩個月前話所有限售解封，嗱嗱臨掛牌出售，經紀話可以掛600萬，我掛一個星期後減到550萬。然後每個星期減10萬。好多人問價，直至我減到499萬，終於在上星期四480萬成交，帳面輸28萬。我講過買樓是超十年的投資，好多人問，其實幾時賣樓先好呢？當你確認結構性發生轉變，跟你買入時的優勢都變成劣勢，就應該頭也不回，特別是已經歷了超過十年的升市的地方，跌市周期大概六、七年，這是個人轉身的示範。投資沒必贏，如果以大灣區樓價平均跌22%，有些地方更跌超過八成，我輸5.5%，成績幾好，那時的三個月考察沒有白費，做人最緊要有阿Q精神，笑。