1. 斯德哥爾摩水喉水可以直接飲用，質素甚至比瑞典出產嘅樽裝水更好。
2. 瑞典有款復活節嘅應節甜品名叫Semla。做法為將鬆軟嘅甜包包覆住滿滿嘅奶油同杏仁醬。食一個已經飽到夠抵一餐飯，各位有機會一定要試吓！不過不成文規定每年復活節前四十日期間限定，亦不知為何只有逢星期二至可以食，又名肥胖星期二。
3. 另外一個不成文規定，只有星期四先可以飲豌豆湯同食煎薄餅。原因不明。
4. 唔止中國，瑞典人對小龍蝦亦非常鍾情。每年八月直頭有個小龍蝦節等小龍蝦愛好者大快朵頤，有大量嘅小龍蝦都是由中國、土耳其入口的。
5. 復活節期間，瑞典小朋友會打扮成巫婆嚟慶祝節日，與香港流行嘅兔仔、雞仔有所不同。
6. 根據瑞典傳統，每年六月嘅仲夏節，民眾除咗飲酒唱歌同聚餐，仲會圍住一座形狀為男性生殖器嘅巨型花柱跳舞助興，場面壯觀。
7. 很多瑞典人都是不婚主義的，瑞典語中甚至有專門名詞來形容同居但冇結婚、同居有小孩但冇結婚嘅等等關係。
8. 酒精成分3.5%或以上嘅酒類飲品只能在國營酒類商店Systembolaget買到。而且Systembolaget星期日休息，所以每逢星期六下午店內都會出現一陣小小嘅搶購潮。
9. 斯德哥爾摩地鐵站被喻為世界最長的藝術長廊，每個站都有與別不同的特色，靚唔靚就見仁見智喇。有趣嘅係，斯德哥爾摩地鐵同香港港鐵屬同一公司。身為香港人，感覺真的份外親切呢。
