2046年，清明節已經唔同晒。
柴醫：今日清明節喔，有無拜山？
披唇：我剛參加咗祖先清明祭，有得網上插香，99支電子香好環保。全部祖先共聚一堂傾計，幾熱鬧啊！
柴醫：夠唔夠元寶蠟燭食啊？
披唇：而家唔食蠟燭㗎啦，AI祖先經過大數據分析後，話「味如嚼蠟」不受歡迎，一般NFT燒雞、燒肉就可以。
柴醫：仲會送啲其麼俾先人啊？
披唇：會送NFT手辦公仔，自用投資都可以。後人更可以升級先人的人工智能，上載更多相片、影片、歌舞等。戴上VR眼鏡，可以進入仙境。與眾多先人立體對話。不過我未夠錢，買不到下半身虛擬插件。
柴醫：夠啦，可以和先人打麻將？贏返少少虛擬貨幣。
披唇：當然可以啦，唔好講打麻將，連網上睇症都可以啊。一些老中醫都上載咗自己50年的數據庫。去世後，AI就會因應病人輸入的陽性體征，進行分析，開出中藥。
柴醫：會唔會食死人啊？
披唇：唔會啦，不過Claim唔到保險而已，同埋無得出病假紙。
柴醫：但死人無創意㗎喎？如何進化？
披唇：當AI進行自我學習，就會不斷優化判斷，只要輸入的病歷、處方夠多就可以。而且減少技術出錯，例如同時開出甘草與炙甘草。
柴醫：聽起來很不錯耶。清明而家真的不怕落雨了，大家都網上拜山。
披唇：最近網上NFT靈位好多優惠，要不要先幫訂一個？第時香咗都有地方俾人拜祭。
柴醫：你自己有無訂一個？
披唇：我大吉利是過你啊！
柴醫：😆😆😆