柴醫有個綽號，叫拳王阿李，今日送大仔小栗子上學，順道教他自衛術，如何格擋敵人攻擊，我用勾拳攻擊，叫他作出防守。這時，略胖的小師姐出現了，她瞪大雙眼，覺得武術有趣。
柴醫：你識功夫嗎？
小師姐滿臉狐疑。
柴醫：睇你個樣唔識打交，似係畀人打嗰批。
小師姐按耐不住説：我喺屋企會打家姐，一搶我嘢，我就打佢！
柴醫：有無打到Boom Boom 聲先？
小師姐：一時時喇，家姐就會打阿哥，爭位坐就會打，打下打下就會好開心！
柴醫：😂😂😂😂真打定假打啊？
小師姐：真打啊！不過打到好開心。唉……生活麻煩要打交。
柴醫傻了傻眼，從來只有柴醫拋書包，出典故，今日竟然遇到一位小三學生拋出一句七字真言，佩服佩服！