《SLAM DUNK》手遊版正式上架，香港譯名《男兒當入樽》又經典又有計，但遊戲嘛，始終面對最大市場，都係用咗台灣、中國嘅《灌籃高手》，不過慶幸，除咗個名要跟台灣同中國外，漫畫角色名因為都係漢字，其實影響唔算太大(如果好似《狐忍》同《龍珠》咁就大問題)。玩法上，雖然介面都係一貫中國手遊「廢課」味，不過由於主要都係3v3嘅即時對戰，玩家要控制角色走位、射波、傳球等，玩落真係似籃球game。所以玩家技術都可以佔到三成，另外七成點嚟？因為好多球員都需要用錢買，而且能力仲相當高，例如「仙道」同「四眼哥哥」能力上自然差一截，另外球員本身有不同技能，都需要「學習」及「升級」，當然又係離不開要用素材，所以順理成章，用錢解決會升得比較快。不過整體嚟講，有《入樽》加持下嘅籃球game，就算連家用機都只係出過好少(土下座記得嘅都係幾廿年前嘅game)，而且遊戲大量原作動畫同插圖都令人回味，相信呢隻手遊版會吸引唔少fans捧場。