之前已經講過《人中之龍極2》畫面有大改進，土下座當時玩試玩版已經有好大感覺，12月都有隻重磅作品，PlayStation當然都唔會放過，今次就請咗遊戲入面出現嘅AV女優桃乃木香奈到場，活動當日招待傳媒之餘，亦抽選咗唔少遊戲fans參與，當日桃乃木著件粉紅色短裙仔，輕輕鬆鬆就搶晒風頭！講番隻game，有機會試玩咗陣，感覺到新遊戲引擎「人龍引擎」的確幾威，畫面上次已經讚過，實際玩落主要地圖「蒼天崛」都係一張過唔使再load，建築物亦係開門即刻入到，效果仲非常流暢。老實講，《人中之龍》已經進化到一個地步係唔需要再改太多嘢，就算最後玩落同《極》或《最終章》等似足九成都好，佢都係有令你玩唔停手嘅魅力，相信玩過嘅朋友都一定同意！