稱得上係遊戲界名牌、Ubisoft嘅王牌，《刺客教條》系列最新作《刺客教條：維京紀元》(Assassin’s Creed Valhalla)已經正式發表，而且更特別寫明支援Xbox Series X及PlayStation 5，即係話呢隻好可能係首隻新世代主機嘅第三方大作，淨講話題都贏晒！上次《起源》已經係兩年前，男女雙主角再回歸有挑戰性嘅玩法，總算叫好叫座，令系列再添活力，由埃及發展，再講到袖劍起源、米索不達米亞文明等，劇情都好精彩。今集就將時間搬去公元九世紀，亦係英格蘭四分五裂最黑暗嘅時代，但玩家扮演嘅反而係維京戰士一方，歷史記載維京人都係殘酷好戰，搶奪英格蘭土地，唔知遊戲會點切入「兄弟會」視點呢！其實維京題材、時代雷同嘅，早喺2015年Netflix上就有一套叫《The Last Kingdom》嘅劇集，而家已經播到去第三季，觀眾非常多，所以都算係食到話題，土下座都推薦各位朋友睇睇，非常精彩，話唔定到時打機嗰陣會更深感受！