龍景昌
由龍景昌牽頭的紙本雜誌《就係香港》上周五出世了，當日傍晚於中環搞咗個發布會，Ray見到好多文化界人士冒雨出席，濟濟一堂好熱鬧。呢本雜誌屬於季刊，主書厚厚的幾百頁，仲有兩本別冊，份量比普通一本書還重，而且用上8種紙，釘裝亦考究，仲有兩本別冊，估計成本不低，用今日嘅術語，屬於性價比高的書刊，一期書可睇足3個月，Ray已經訂閱了。
話事人龍景昌對紙本情有獨鍾，離開HK01後就投入呢個project，佢同Ray講過，做紙媒有紙媒的堅持，起碼要對得住張紙，而今次《就係香港》尤其重視紙本的基本步：手的觸感，因為觸感也是閱讀的一種。Ray在現場初看最深印象是，以蠟青紙印製的曾灶財海報，包裹著整本書，非常精美，簡直係Collectible，要立即收藏。
現場亦見到歌手盧冠廷，原來佢同太太唐書琛為第一期《就係香港》創作歌曲《盛夏日之夢》，並且拍成MV，可以去以下網址欣賞：https://beinghongkong.com/A-Midsummer-Days-Dream
《就係香港》
