近年中國手遊開發技術已經稱得上極高，唔講其他層面，淨睇美術同遊戲設計，都早已超越港台水平，例如之前介紹嘅《最強蝸牛》就係一例。當然數量多，品質自然參差不齊，當中可以話玩家心目中「名廠」嘅涼屋遊戲，多年嚟單靠《元氣騎士》經已年年大賺，期間推出嘅都算係小製作，直到最近新作《戰魂銘人》正式推出，算係繼《元氣》後真正落本誠意作品，喺中國某幾個有代表性嘅手遊網站入面，投票期待度更加去到9.9分，可見涼屋個名已經係招牌。土下座已率先試玩爆機，遊戲同樣係Roguelike無限輪迴嘅設計，玩家通過N次重玩去增強角色，再解開背後真正故事。目前角色只有6隻，但每隻都有唔同套路與玩法，亦有好長嘅升級之路，如全部玩晒都好花時間，最重要嘅係遊戲品質依然一貫極高，點陣圖動作流暢、光影效果亦係手提機級數，就算日後移植去Switch都唔會失禮，免費下載，係今期高度推薦啦。