香港人鍾意食炸雞嘅程度真係唔講得笑，麥當勞去年10月推出麥炸雞以來，10個月時間已經賣出1,500萬隻，即係平均每個月賣150萬隻，麥炸雞成為熱賣產品。今個月10日(星期四)麥當勞仲會再接再厲，推出新口味蜜糖BBQ麥炸雞，聽個名已經feel到甜甜地又juicy，期待！
麥記友好昨日就送咗一批6件桶裝蜜糖BBQ麥炸雞嚟am730「扮工室」，即時香氣四溢，同事都不由自主暫停手頭工作，搶先試食，冇幾分鐘已經掃清！不過，如果大家下載了麥當勞App，昨日亦會發現可以用優惠價10元，3日限定獨家提早試食新口味麥炸雞，試食到9月9日為止。
至於今個禮拜麥當勞App繼續送上多項電子優惠，包括10元雙牛芝堡、1元大汽水等，抵到呢！其中一些優惠更轉咗玩法，註明可重複使用，例如35元麥炸雞套餐，真係食多幾次都唔會厭。