翠如BB現身意品牌時裝騷

意大利時尚品牌MAX&CO.昨晚於中環搞時裝騷，以Extraordinary Everyday為主題，展示新裝，並請來藝人黃翠如、江若琳、陳嘉寶、余香凝及前新聞主播蔡雪瑩及人氣模特兒伍靜麗等出席，場面熱鬧。Ray見到黃翠如被記者訪問時話：「女為悅己者容，每日打扮得靚啲，自己開心之餘，身邊嘅人都會受惠。我諗每一位女仔都會同意。」果然有愛情滋潤係唔同啲，而陳嘉寶認為一件百搭大褸，絕對係女仔冬天衣櫃裡面嘅必備服飾，可以令整體造型更突出，提升時尚感覺。