一田首間 KONBINI概念分店 9.6逆市開業

疫情反覆，但仍有零售業睇好後市，實行逆市開店。講緊嘅係一田百貨，將於9月6日在沙田開一間全新概念分店「KONBINI便利ストアby YATA」，新店打破超市經營模式，糅合精品超市與日式便利店概念。

相信大家冇去日本一排，唔多唔少都掛住當地好多嘢賣同好多嘢食的便利店，真係早午晚餐都可以於店內解決。一田新店就是以日文便利店「コンビニ」(KONBINI) 命名，配合「速買‧速煮‧速食」的新一代生活態度，供應各種話題輕食與食材，合晒香港人節奏急速又追求品味的消費趨勢。新店佔地逾3,770呎，為一田第13間分店，每天早上8時30分開始營業，是最早開始營業的分店，裝修採用悠閒簡約風格，以木色為主調，配合落地玻璃設計，位置就在沙田帝逸酒店地下，毗鄰沙田河畔。

為慶祝新概念誕生，「KONBINI便利ストアby YATA」以「蛋」為開業主題，帶來KONBINI「蛋」生祭，寓意品牌再次創立新的里程碑，誕生新一頁！除了引入多款日本直送玉子料理，新店更化身為「蛋の樂園」，店內外設置多個期間限定「新鮮熱辣」的趣致煎蛋打卡位，為大家注入滿滿朝氣！

至於一田首半年表現，一田百貨行政總裁黃思麗話，疫情下，市民多留家煮食及工作的關係，一田首半年整體銷情較去年同期升16%，當中超市大升39%。另外，雖然7月份本港零售業銷貨額按年下跌23%，但一田百貨整體單計7月表現仍勝預期，營業額升達19.8%，當中以冷凍食品及肉類貨品升幅最大。