早前7-Eleven引入一批日本自家品牌小食，16款大受歡迎，今番繼續發功，加推18款全新口味人氣小食，相信會再引起搶食熱潮。今期新一浪小食一樣係由日本直送，由食材到包裝都係日本製造，十足日本風情，用嚟於office開心些牙、朋友聚會、或者睇波煲劇都勁正喎！
18種零食18種味道，Ray諗起都口水流。例如3款7-SIGNATURE芝士味小食，包括鱈魚條、三重芝士夾心脆果、煙燻芝士小食，都採用特選芝士，香濃幼滑到不能抗拒。而3款日本情懷小食，更顯日本人認真做事一絲不苟，包括採用日本薯粉製造的日式蝦餅，經兩次細心油的二度揚米果，仲有採用北海道產馬鈴薯及蛋黃的一口雞蛋餅。至於4款朱古力小食同3款特別適合派對的脆圈及爆谷等，都應該好啱食。
唔好以為小食一定唔健康，今次都有5款健康Keep fit之選，例如上期大獲好評的原味海帶根，今次就特別加推7-SIGNATURE 海帶根(梅味)，以梅醋及蜂蜜調味，酸甜醒胃，是健康零食首選。