am730報社近日特別多公司訪客上嚟做media visit，宣傳一下，大家開心，昨日就出現一身傳統韓國服飾的親善大使，為HK Express宣傳一連串浪漫精選優惠。
其實呢間廉航公司時不時都會推出機票優惠，仲要每次都洗晒版，fb上總有朋友晒命搶到機票云云。昨日到訪目的，正係介紹一系列情侶大召集優惠，由依家直至6月期間，每個月都會有浪漫航點機票優惠，例如釜山、濟洲、廣島、高松、布吉、清萊及關島等亞洲地區，要留意HK Express網站及fb公布。Ray研究咗一陣，3月份飛南韓，單程機票88元起，優惠由即日起至今日晚上23:59，而嚟緊4月仲會加開往來香港及首爾仁川的航班，計Ray話，唔使理係咪情侶，搶咗飛至算啦。
