好多小朋友年紀細細已經多才多藝，阿Ray喺星期六去咗由THERMOS主辦、am730協辦嘅THERMOS真空保溫瓶「你想創意瓶身設計大賽2017」頒獎禮。比賽分4組進行，參賽者的年齡介乎3至21歲，分別喺3個主題：「冷與暖」、「綠色環保」及「你的你想保溫瓶」之中選一個去設計作品。據知今次有成千份參賽作品，評判都睇到眼乾，落足心機先選出得獎者。咪睇年齡最細參賽者只得3至5歲，創意同畫功都有番咁上下。
所有得獎者都可以獲得THERMOS送出嘅產品同獎狀，而三甲得主更獲得獎學金。THERMOS業務發展總監Ali話，希望通過比賽向年輕一代推廣環保，多用可以重複使用嘅容器，少用膠樽。典禮期間更請來歌手陳柏宇擔任特別嘉賓，佢除咗唱歌表演同頒獎外，仲同現場觀眾玩遊戲送獎品，令氣氛更加熱鬧。