陳幼南示範盆供堆疊
香港潮州人唔少，潮汕文化亦頗有凝聚力。下個月盂蘭節期間，香港潮屬社團總會於9月1至3日（農曆七月十一至十三日）喺維多利亞公園舉辦「盂蘭文化節」，市民可免費入場，體驗盂蘭節嘅孝親同慈愛精神。
總會主席陳幼南同Ray講， 今年係第3年舉辦，適逢香港回歸20周年，文化節增設「祈福香港」活動，為全港市民祈福。而市民亦可於會場許願區許願，只要大家誠心許願，即可獲天地庇蔭。而大會更會每日預備派發一千包平安米。
同場更有盂蘭水墨工作坊，除了展示10幅盂蘭救母嘅水墨畫，市民更有機會學習用水墨，畫出盂蘭勝會嘅吉祥景象。另外，市民亦可一嘗潮州功夫茶，體驗潮州文化。
如果大家想動態一些，Ray都建議大家可以參加盆供堆疊(限時內堆疊平安米至最高)及搶孤體驗(以大竹簍搶接米袋)。