疫情令幾乎所有講座等活動及分享聚會都暫停，咁中大校友事務處就轉戰線上，今晚起推出「疫流而上」中大校友自強線上分享系列，等大家可以繼續保持聯繫。
今次由中大7個本地校友組織攜手主辦的分享系列，由今晚起逢星期五晚上7點開始，於校友事務處Facebook專頁播放，一共7場由9名校友主講，方健儀做主持。第一場由中大醫學院院長陳家亮主講，分享抗疫小貼士。之後各場有講疫情下的經濟、家居Keep Fit、親子家教、心理健康、保險知識及中醫等，都由各有關範疇的專家校友主講。如果未Like呢個page，搜尋CUHKAAO就可以。