這個星期，出現了四位新聞人物：美國總統特朗普、港台《鏗鏘集》編導蔡玉玲、螞蟻集團實際控制人馬雲，以及今年9.6尖沙嘴遊行期間響號的新巴車長。四位新聞人物均身處艱難，或面臨敗選，或無理被控，或生意受挫，或頓失支援，同時四個新聞事件，都找到「時代的共通點」：「黐線，但沒關係」。
特朗普面臨敗選，竟然要求法官下令停止點算郵寄選票，明知此舉會違反憲法，法院不會批准，亦不能挽狂瀾於既倒。做法黐線，但沒關係，做咗先。
香港警察明知記者查冊做調查報告行之已久，合法合規，就算檢控基礎薄弱，入罪機會微，亦令原本偷偷更改查冊表格的政府部門尷尬，但仍然拉人封艇，做法黐線，但沒關係，做咗先。
螞蟻集團一直按足中國和香港法規程序，獲批上市，最終懷疑因為國際配售大行和國家隊分贓不勻，中國官府約談管理層，臨門一腳煞停上市。這邊廂說要提防「發生系統性風險」，那邊廂立刻各全世界證實中國的金融系統，有一種系統性風險，叫做「朕不給，你不能搶」。雖然明知引起市場對中國乃至香港金融規管機構，是否獨立公正的疑慮，做法黐線，但沒關係，做咗先。
新巴車長因為向在馬路的警察響號，被控不小心駕駛罪，其僱主新巴在開庭前個多星期通知車長，如果不肯認罪，公司就停止向他提供法律協助。新巴城巴剛剛易主，新公司「匯達交通」果然新人事新作風，主動切割，表態表忠最要緊。做法黐線，但沒關係，做咗先，仲會撲出嚟認。