中大及港大合辦嘅兩大校長盃教職員足球友誼賽，噚日喺中大崇基學院嶺南運動場舉行，唔知係咪中大有主場之利呢，結果以二比零贏咗港大。
球賽由中大校長沈祖堯(圖右)及港大校長馬斐森(圖左)主持開球禮後隨即展開，兩隊都奮力作戰，可能因為天氣涼涼地，大家喺球場都跑得好爽，仲互有攻守，所以賽事相當緊湊。
兩大校長盃足球賽今年已舉辦第14屆，計埋噚日的賽事，中大已贏咗9場，港大就贏咗1場，雙方4次打成平手。不過Ray認為輸贏都係其次，勿忘舉辦呢項比賽嘅初衷就得嘞，就係為咗以誌中大和港大同心協力對抗SARS而設，於是喺2003年首度舉行，此後成為一年一度兩間大學的體育盛事，以促進兩校教職員的友誼和合作精神。
中大校長沈祖堯(圖右)及港大校長馬斐森(圖左)