(左起)八達通卡有限公司技術總監甘志深、行政總裁張耀堂、營業及市務總監李玉兒及企業傳訊部主管龍劍峯。
本港電子支付趨普及，八達通昨在傳媒春茗預告，月內會聯乘Mastercard(萬事達卡)推出虛擬預付卡，用戶透過八達通App「O!ePay」為該張虛擬預付卡儲值，就可以喺網上購物，直接喺O!ePay帳戶扣帳，但到底要點操作，八達通就同Ray大賣關子，話要等多一兩個禮拜先講。
另外，依家要拎政府交通補貼都要靠八達通「嘟卡」，營業及市務總監李玉兒(Rita)透露，原來八達通喺拎補貼首日即上月16日零時，嚴陣以待，除咗一班高層同技術員喺總部會議室睇實系統運作之外，仲有員工落區「實測」拎補貼，如果邊個領取站有故障，仲會即時report俾總部維修，最尾都算順利，無出現混亂。Rita仲話，較多市民鍾意搭車前後去「補貼領取站」自助拍卡，其次就係便利店，相信係俾10蚊優惠券吸引。