(左起) 廖偉強、微軟香港總經理陳珊珊
中原集團近期推陳出新，繼中原地產出App後，利嘉閣地產則與微軟香港合作，透過先進雲端技術，推出人工智能搵樓平台「Rica+」，總之要方便地產代理協助買家同賣家，實行全天候服侍。中原集團主席兼總裁 施永青 就大派定心丸，話個個單位同業主處境不同，買賣雙方又要傾價錢咁，機器未能全部取代人手，地產代理仲有排做。
利嘉閣地產總裁廖偉強(Willy)同Ray講，即時及全面的樓盤資訊對客戶好重要，所以兩年揼本逾4000萬元落IT技術，而「Rica+」用人工智能技術，運用機械學習分析，幫代理找出「筍盤」，提高銷售成功機會。不說不知，原來利嘉閣仲有大數據支持儲存私宅、公屋及居屋總盤量高達逾170萬個，總服務人次超過480萬人，每月跟進資訊更高達近96萬條，難怪佢預期，數碼營銷策略可以幫公司業務收益增長20%至30%，而盈利更可增加約四至五成添。