轉眼又到跑步季節，除記得明日(9月12日)早上10點上網報渣馬外，另一方面，由新創建主辦、主打跑在西貢世界級地貌的「勇跑地貌王」賽事，亦已開始接受報名，分為10公里男子及女子組、半馬拉松男子及女子組，呢項跑賽今年獎品非常豐富，每組跑得最快嘅都可奪得旅遊大獎，即雙人來回香港至峇里島機票。
咁跑不到最前名次的業餘跑手如Ray咁，都可以參加旅遊大抽獎，同樣有機會贏取雙人來回香港至峇里島機票，10公里及半馬各設2套獎品，想一邊跑一邊欣賞北潭涌地貌靚景，仲有機會贏旅遊大獎快D報名啦。
值得一提，賽事主打綠色新態度，全線補給站將提供可循環再用水杯，實行完全取代即棄紙杯。當然最理想係自攜水樽啦，而每名跑手於活動當日向大會指定攤位展示其自攜水樽，即可換領「新渡輪離島一日通」一張及可重用摺摺餐盒乙個（數量有限，送完即止）。