所謂「一節淡三墟」，聖誕新年又春節，加上時近財政年度完結，市面上真的很平靜，不過，我和飛女總算託賴，新一年就已經有人登門奉上工作機遇——為一位另類療法師Z先生撰寫保健手冊。這位導師，從他的打扮、行文，一看便知他是「新香港人」；他出手算爽快，隨便開一個本來預期他會猶豫和講價的數目，只有他的中間人隨口問句「有冇得平少少？」我們說不，一小時後就已經再來電問我們：「你哋公司叫乜名，Z先生話要開票。」收到訂金，也收到材料，也開始明白為何他會這麼豪爽。未簽約前，中間人跟我們說：「放心，Z先生手上已經有幾萬字原文，執吓改吓就出得街……我諗出幾冊都冇問題！」果然是「我諗」，我們收到的一堆字不但雜亂無章、上文不接下理、充斥內地用語和度量衡單位……更重要是只得萬字！中間人連忙補鑊：「哎呀，Z先生好忙，手民之誤梗有啲㗎喇，邊度唔夠咪寫多啲囉，擴大佢嚟搞……」從前跟過一些內地人洽談過出書的事情，總是講這些大同小異的廢話。幸好早就明白北水不易飲，今次開了一個不會讓自己後悔的價錢，未來幾個月就好好「招呼」這位Z先生吧！ 一男一女兩個資深副刊記者，N年前一齊下海撈散，從此不想再受公司制度束縛。
