大家留港抗疫，不少港人每年外遊賞櫻的活動亦被迫暫停。今次可以去北角匯商場補返數，因為由即日至5月31日，商場二期地下的戶外海濱公園，會築起全港首個商場戶外仿真櫻花園林，等一眾「櫻花迷」嘗嘗花見的心願，漫步於紅粉霏霏的浪漫甜夢之中，暫時一解憂困。
今次「櫻花祭」利用了臨海的地理優勢，以東京隅田公園櫻花祭為藍本，安排了20株巨型仿真櫻花樹放置於草坪上，一片濃淡有致的粉紅色，配合日式燈籠與園藝燈飾，日夜都有打卡位。不過記得多角度欣賞花海的同時，保持距離呀。欣賞完櫻花，仲可以入去商場內一田的「春桜祭‧日本食品期間限定店」入貨，紓緩疫情下的緊張情緒。