所謂「顧客永遠是對的」，做得freelancer定必要EQ高，否則好難對付古靈精怪客戶的麻煩要求。今天我跟一位自由身攝影師J合作到戶外拍照，忙着按快門捕捉精彩時刻之際，J在相機袋內的手機響個不停，他懶得接聽或者按off拒絕接聽，不停響了15分鐘……
我終於按捺不住說：「喂，你一係就熄咗部手機，一係就mute咗佢！」J連忙向我道歉：「對唔住，係你個客，即係叫我哋做呢個job嘅M先生！」噢，出名麻煩的M，完全明白。
M基本上是個大好人，但多工作纏身又無記性，明明要你明天去九龍做一項工作，轉頭又會打電話問你，「聽日你一定要過嚟我灣仔個office跟稿！」我一講「唔得」他就會不讓你有解釋的機會，不停咿咿哦哦，終於找到一個隙縫可以攝一句「喂，聽講你叫我去九龍做嘢喎老細……」M就會「哈哈係咩？」然後面懵懵掛線。
攝影師J正是受着他的千里追「暈」call，「俾咗啲相佢成個月，問佢想點PS佢都唔答，到我唔得閒嗰陣佢就打嚟一輪咀咁講要點點點……我唔得閒都係因為接咗佢另一個job咋！」我明，每次M哪個重要得要先處理，他又會支吾以對，甚至撒賴地說「樣樣都緊要囉」！我們依然肯為M做事，只因他找數準又襟鬧，兇他一句就走開！ 一男一女兩個資深副刊記者，N年前一齊下海撈散，從此不想再受公司制度束縛。
