常常被人問到「你哋究竟做乜工作？」一個「Freelancer」似乎未能滿足大部分人的求知慾……只因有時連自己也真的不多會回答！
今天我的身份，其實是「老臨」。話說某刊物接了一個大灣區樓盤廣告，要附送一個鱔稿給客戶，由於版位很細，所出的稿費也很低，但竟然要Writer花一整天時間到珠三角某城市做記招採訪！刊物Sales以輕佻的口吻說：「咪當去旅行囉！」我立即回應：「你癲少一陣啦，去旅行我做乜要留喺間酒店嘅宴會廳幾個鐘唔走出嚟？」於是Sales加50%、100%、150%……終於增加了300%令我心動。然後來來回回跟刊物的編輯商討要怎寫、用甚麼角度、問甚麼問題等等，但在臨出發的一剎那，Sales才致電給我說：「其實你乜嘢都唔使問，因為無人會安排到畀你做訪問，就連相都唔使你影一張，會有大會發相。」
Sales最終都解釋給我知道，原來是跟樓盤發展商的PR夾好，安排一個「香港記者」出席記招，令發展商自覺好威水，「連香港媒體都嚟採訪」……所以，Sales其實就是霞姨，而我就是老臨！唯一慶幸的是我爭取到一個自覺合理的價錢，讓我安心來個「大灣區一日遊」。 一男一女兩個資深副刊記者，N年前一齊下海撈散，從此不想再受公司制度束縛。