我和飛女都很慶幸曾經當過記者，讓我們見多識廣之餘，對很多事世事能夠做到「給我們看穿了」的地步。其實也不是甚麼值得我們炫耀的事情，只是我身邊很多朋友都是自己工作範疇上很專業，之不過一放工，人放鬆了就好像把腦袋擱在一旁。「係呀，完全唔想用腦，所以好想約你兩個出嚟吹水，吸吓料。」又話「唔想用腦」但又「吸吓料」這麼矛盾？說穿了可能是太專注工作讓生活圈子變得狹窄而已。一般上班族尚可這般「唔用腦」，但如果做我們這類做推廣、製作或所謂的slash，就不可能太後知後覺了。
話說行家J接了一個跟國際會議有關的工作，其中一個項目是統籌大型晚宴的座位安排，接頭人很想當然地覺「鄰近國家和地區坐埋一齊就大家容易有話題，會啱傾啲」，但J一看名單就冒汗……原來中台韓日等官方代表都有份列席！J跟我說：「呢排又日本安保又薩德導彈又中台關係欠佳……點放埋一齊呀？」但天真的接頭人不理，覺得無問題，結果J參照接頭人意見，排了一整晚的宴會座位表，被主辦單位「彈鐘」，理由正是「政治敏感時刻，中國跟台韓日不宜坐在同一區域」於是J又砌過，他刻意把馬來西亞跟新加坡代表隔開兩三枱，又被接頭人大數不是，J答：「新加坡人跟馬來西亞人其實冇乜兩句……」接頭人不理解釋又遞交給主辦單位，結果又打回頭，理由是「新加坡代表覺得跟其他國家代表坐在一起比較適合。」接頭人向J發爛說：「乜咁鬼麻煩㗎？」J寸接頭人說：「咪好似結婚擺酒咁，三叔同四婆唔可坐埋一枱，因為佢哋鬧翻咗。呢啲道理你唔會唔明呀？放工睇吓新聞，留心吓世界大事就會明㗎啦！」 一男一女兩個資深副刊記者，N年前一齊下海撈散，從此不想再受公司制度束縛。
