夏日炎炎唔想喺戶外未起動先流汗，Ray都會轉戰室內，今次介紹嘅唔係普普通通喺運動場玩，而係馬鞍山新開商場We Go Mall。佢哋趁住近排運動氣氛熾熱，包括四年一度的世界盃及亞運會之外，仲有即將舉行嘅「2018年香港彈網國際邀請賽」，就舉辦連串活動，其中喺場內設置800呎充氣足球場，讓大家夏日動起來。
有興趣嘅，由依家至下月15日，憑即日喺場內任何累積消費滿HK$200之單據，就可以入場大展球技10分鐘，有番咁上下腳法嘅就組隊，同其他參加者較量玩下。不過，唔係人人鍾意踢波，所以商場特別邀請香港彈網隊選手出席表演，示範一系列高難度動作，大家同時可以為佢哋嚟個賽前打氣。若然堅持足球先係你杯茶，下月1日至14日亦有花式足球表演。夠晒包羅萬有、老少咸宜嘞啩！