多數人去迪士尼玩都係日間去，試盡最靚最特別的moments，影多啲靚相呃Like，更加唔少得。Ray最近去過一次，由朝玩到晚，其實入夜後的香港迪士尼，充滿驚喜，等Ray同大家分享下夜遊迪士尼心得。
首選當然係「迪士尼光影匯」夜間巡遊，呢個項目仲曾經勇奪兩項景點業界的世界級殊榮，高達99%曾經欣賞過嘅賓客都高度評價。點解咁勁？因為一共七組主題花車，加上耀眼的迪士尼明星，係全球迪士尼樂園首次創作的全LED燈花車巡遊，超過74萬粒獨立LED燈，配上大街強勁的音樂節拍，創造出璀璨的光影世界。
當然，同唔同人去樂園，晚上都有唔同嘅體驗。例如一家大細坐「太空飛碟」於高空遨遊飛翔，到晚上便會見到躍動光影，感覺好似去咗太空，而即將於12月開幕的「公主皇室庭園」，夜間會呈獻不一樣的景致，是小公主的最新拍照熱點。講刺激，「灰熊山極速礦車」本身已經夠激，晚上衝上漆黑驚險的灰熊山，接近一片神秘的星空後再衝番落嚟，分外刺激。
至於情侶，最緊要夠浪漫，入夜後的樂園每一個角落都是談心、拍照的好地方，漫步「童話園林」，有時間再去化身成王子公主，坐坐「灰姑娘旋轉木馬」，或者「小飛象旋轉世界」，真係冧到呢。