朋友都跟我們說：「你哋就好啦，做freelance可以匿喺屋企，唔使出街返工，港鐵、輕鐵、360全部壞晒你哋都唔驚啦！」此話甚差焉！如果可以純粹「閉門造車」當然最理想，但工作的第一步「與客人會面」，就總得要出街吧？周二早上，飛女就正要跟客戶見面，結果就是遲大到！「以為坐西鐵出城就會好啲，因為西鐵都冇事……但一出到美孚以後就麻煩囉！已經冇諗住坐港鐵，走上地面，巴士、的士、van仔乜都冇得坐，個個都大排長龍等等等！」
飛女約了客戶10點半在東九龍區見面，本來8點半已到美孚，但見地面等車人潮甚多，就立即上西鐵到紅磡坐的士往目的地，但排隊人潮一樣多，排了一句鐘才上了的士，但塞車又花了個多小時，連同上上落落的腳程，結果要正午12時才可以到達目的地！
所以對於港鐵的「擇日優惠」提議，飛女好大反應：「客戶住得近所以一早就到咗目的地，雖然佢哋都好體諒今次全港大塞車，但我自覺好鬼尷尬；更何況好多打工仔返唔切office，又俾老細哦又話要扣勤工獎之類……所以老老實實不如喺八達通內自動增值，一人五十蚊啦至少！」係又幾好喎……發夢啦你！