年輕貌美嘅女同事，喺你面前喊住同你講話人工太低頂唔順，你見過未？
我見過，我真係見過。像我這樣PK嘅老細，孤寒度縮，刻薄成性，這種場面點會未遇過？莫講話女嘅，就連男同事我都見過。
有些同事，會刻意在公司最需要人用的時刻向你扭加人工。我聽過有做生意的朋友把這些人形容為「恐怖分子」。這個形容詞我覺得蠻貼切，事關跟恐怖分子談判，通常沒有好結果。你乖乖「交贖金」不代表「人質」會獲救，然而贖金交得一次，意味著你有得傾，恐怕很快又會有下一單脅持事件要你處理了。發生這種事情，大前提是，為甚麼管理人會容許事情發酵到這種地步？公司架構裡面，會因為單一同事離開而運作不了的，那做管理的那位是否應該先被問責？
當然，扭加人工的，也不一定是剛才所講的「恐怖分子」吧。有些同事家庭負擔重，但人工卻不高。嘗試站在她們的立場想想，生活也的確難捱。但到頭來我們又可以做到些甚麼？
「我就快要結婚啦，又要供樓，又要養阿爸阿媽。」Scarlett說的時候眼有淚光：「我份糧真係唔夠使。我28歲啦，仲只係得依家呢份人工，我好多同學都叻過我……」
類似的自白，也不是第一次聽。真心也好扮嘢也好，我同情Scarlett的處境。只是，某些職位在我們這類小公司，市價人工都是差不多這個水平了。Scarlett在這班同事裡面，年資比較長一點，表現也比較穩定。如果有得升的話，其實也該輪到她了。升了，人工可以名正言順的加得多一點。只是公司細，上面冇位就是冇位。這一點，其實她和我都清楚。
「Scarlett，唔好懷疑自己。冇能力嘅唔係你，其實係我啫。」我也搞不清我在發麼神經，會講這樣的話：「公司規模如果大一啲嘅話，你可以賺嘅錢，應該可以多啲嘅。唔長進嗰個係我，唔係你。如果你相信自己係一條大魚的話，唔好俾一個小池塘困住你呀。」
Scarlett吸了口氣，點了點頭，然後就離開了我房間了。我講完，即時就覺得後悔了。我講的是真心話，不過這番說話聽在同事耳裡，不就是在叫她快點辭職嗎？
兩個月後，Scarlett派散水餅了。離開之前，Scarlett留了一張Thank You Card給我，上面這樣寫著：「老細，多謝你當日的坦白，讓我能夠狠起心腸，離開這個地方。CK，你自己也別要被小池塘困住你啦。祝你生活愉快。Scarlett。」
我想，我也真是太多咀了。