在過去的周日跟朋友見面，其實我到哪裡相聚都沒有問題，不過這朋友煞有介事的說：「M記啦，今日我有免費漢堡包食呀！」我才知道原來在過去的周日父親節，M記得了一個只於SNS流傳的活動─但凡身份證上有「Angus」或「安格斯」這兩組名字，就可以免得到兩個新推出口Angus Beef味漢堡包的其中一款。
朋友得意洋洋地說：「你知道嗎？我呢世人最多謝老竇幫我改呢個名，仲要放咗入身份證上……前幾年M記個競爭對手，都係推出咗新口味Angus Beef漢堡包，又係搞個咁嘅活動，我又係攞住個身份證去換免費包！」我有印象，因為我有另外一位朋友都曾表示「那間快餐店請他食包」云云……有些人天生就注定得到某些着數，羨慕不來。
不過之後看FB的時候，就發現一個所謂的小小「關公災難」——原來很多網民都在FB鬧爆M記，「你估真係叫安格斯咩？」「就算叫Angus都唔會有人將英文名放入身份證啦！」「都唔多人可以受惠，正一白痴！」等等的留言，沒有一千都有九百個。平心而論，世上哪有所謂的公平事？玩每一個campaign，都一定有某些條件性的限制，而M記的這個活動就更加是純粹彩數，等同抽獎一樣，但可能是這種條件就會惹毛一些網民，他們就會無限上綱。我跟好幾個做PR的朋友談過，都不約而同說做網上推廣活動，上司們就最怕聽到網民「腐皮」，有些就索性不做也罷，「費事畀啲五毛鬧勻全家上下幾代！」
我覺得歸根究底是香港人怨氣太多，只要一找到一個不順眼的地方就會一窩蜂湧出來鬧個痛快……反正他們認為在網上亂講一通都無所謂，但正因如此就扼殺了很多活動推廣的可能性和創意，所謂「唔做唔錯」嘛！BTW，我朋友當然是叫Angus 啦……難道你會以為他真的叫「安格斯」麼？咪玩啦！